നിനക്കായ്‌....

അവന്‍ എന്നില്‍ നിന്ന് അകന്നു മാറിയിട്ട് നാഴികകള്‍ കഴിഞ്ഞു. ഇപ്പോഴും കാര്യമെന്തെന്നറിയാതെ  ഞാന്‍ വിഷമിക്കുകയാണ്. പലതവണ ഞാന്‍ അവനോടത് ചോദിച്ചെങ്കിലും ഒഴിഞ്ഞു മാറി. ഇപ്പോള്‍ അവന്റെ ഒരു മെസ്സേജ് കിട്ടിയിരിക്കുന്നു..- ഞാന്‍ എന്തിനാണ് അവനെ ഇത്ര മാത്രം സ്നേഹിക്കുന്നതെന്ന്! അതിനൊരു ഉത്തരം നല്കാന്‍ ആകാതെ ഞാന്‍ ഒരു ശുഭരാത്രി മാത്രം  നേര്‍ന്നു ..

പരസ്പരം പറയാതെ ഉള്ളിന്‍റെ ഉള്ളില്‍ ഈ സ്നേഹം കൊണ്ട് നടക്കാന്‍ തുടങ്ങീട്ട് വര്ഷം ആറു കഴിഞ്ഞു.. ഇന്നിപ്പോള്‍ അത് തുറന്നു പറഞ്ഞ് അടുത്തപ്പോള്‍ എന്നോട് അവന്‍ ചോദിക്കുന്നു ഞാന്‍ എന്തിനാണ് അവനെ ഇത്ര മാത്രം സ്നേഹിക്കുന്നതെന്ന്??  അടുക്കാന്‍ ആവാത്ത വിധം പരിമിതികള്‍ കൊണ്ട് മുന്നോട്ട് പോകുന്ന രണ്ടു വ്യക്തികള്‍ ആണ് എന്ന് മനസ്സിനെ പറഞ്ഞു പഠിപ്പിചിട്ടാണ് ഞാനും അവനും ഞങ്ങളുടെ ലോകത്ത് ജീവിച്ചിരുന്നത്..അവിടെ ഈഗോ യില്ല, പരാതികള്‍ ഇല്ല, എല്ലാം പരസപരം അറിഞ്ഞു മനസ്സിലാക്കി മുന്നോട്ട് പോകുന്ന രണ്ടു പ്രണയത്മാക്കള്‍... ആത്മാക്കള്‍ എന്ന് പറഞ്ഞത് നേരാണ്.. അവര്‍ക്ക് ഒരേ ചിന്തകള്‍,  ഒരേ സ്വപ്നങ്ങള് അങ്ങനെ എല്ലാം..പക്ഷേ കൂട്ടിമുട്ടാന്‍ പ്രയാസം.. 

അവനിന്ന്  എന്ത് പറ്റി ? മനസ്സിന്റെ അടിത്തട്ടില്‍ നിന്ന് ഉത്തരം കിട്ടാത്ത കുറെ ചോദ്യങ്ങള്‍ കൊണ്ട്  എന്‍റെ ഇന്നത്തെ ദിവസം ആകെ മാറ്റി മറിച്ചു.. അവന്‍റെ ചെറിയൊരു അകല്ച്ചപോലും എന്നെ എത്രമാത്രം അലോസരപ്പെടുത്തും എന്ന് നന്നായി അറിഞ്ഞിട്ടും, ഇന്നേരമത്രയും  സ്നേഹത്തോടെ ഒരു വാക്ക് മിണ്ടാന്‍ പോലും  അവനു ആവുന്നില്ലല്ലോ.. എന്‍റെ മാനാസികവസ്ഥ അവന്‍ ഒന്ന് അറിഞ്ഞിരുന്നെങ്കില്‍ എന്ന് അതിയായി ആശിച്ചു പോകുന്ന നിമിഷങ്ങള്‍..  അവന്‍ ഒരുപക്ഷേ ഉറങ്ങി കാണും....അല്ലെ.. നേരം വെളുക്കാന്‍ ഇനി നാഴികകള്‍ മാത്രം .!

അച്ചു.